Ինչո՞ւ Ջեյմս Բոնդը հրաժարվեց 50 միլիոն դոլարից։ Ճիշտ դիրքավորման գաղտնիքները

Ոչ ոքի համար գաղտնիք չէ, որ բարձրակարգ ֆիլմեր ստեղծողները գրեթե ավելի շատ են վաստակում Product Placement-ի հաշվին, քան ֆիլմի տոմսերի վաճառքից: Սակայն «007. սպեկտր» ֆիլմի ստեղծողները անմիջապես հրաժարվեցին երկու բազմամիլիոնանոց պայմանագրերից։ Sony-ն 18 մլն դոլար էր առաջարկել Columbia Pictures-ին՝ Դենիել Քրեյգի կերպարը Xperia Z4 սմարթֆոնով զինելու համար։ Իսկ Samsung ապրանքանիշը արտադրողներին խոստացել էր 50 միլիոն դոլարի պայմանագիր, որի դիմաց 007 գործակալը պետք է օգտագործեր բացառապես հարավկորեական ապրանքանիշի սմարթֆոններ: Columbia Pictures-ի ներկայացուցիչները հրաժարվեցին երկու պայմանագրերից՝ հիմնավորելով իրենց դիրքորոշումը շատ պարզ՝ Ջեյմս Բոնդը կարող է օգտագործել միայն լավագույն գաջեթները, իսկ նշված բրենդների արտադրանքն այդպիսին չէ․ Sony և Samsung սմարթֆոնները դուր չեն գալիս ո՛չ ֆիլմի ռեժիսոր Սեմ Մենդեսին, ո՛չ էլ Դենիել Քրեյգին, որը ոչ միայն գլխավոր դեր է խաղում «007. սպեկտր» ֆիլմում, այլև հանդիսանում է նրա համապրոդյուսերը։

Գովազդատուների նման խիստ ընտրությունը անհրաժեշտ միջոց է: 007 գործակալի արկածների մասին պատմող «Սքայֆոլի կոորդինատները» ֆիլմում գլխավոր հերոսը խմում է Heineken գարեջուր։ Product Placement-ը նախագծի ստեղծողներին և անձամբ Քրեյգին, որը հետագայում նկարահանվեց գարեջրի ապրանքանիշի գովազդում, զգալի գումար բերեց, բայց լուրջ հարված հասցրեց Ջեյմս Բոնդի կերպարին:

Մարքեթինգային հետազոտությունների տեսակները. ինչպես ընտրել ճիշտ դիրքավորում

Կարճաժամկետ շահույթը հաճախ ապագայում շատ խնդիրներ է բերում. ապրանքանիշի առաջխաղացման կտրուկ քայլերը, որոնք հակասում են նրա դիրքավորմանը, կարող են վախեցնել սպառողին: Նախքան նոր գովազդային արշավ սկսելը կամ նոր ապրանքի թողարկումը, անհրաժեշտ է հստակ հասկանալ, թե ինչ արդյունքների կարող է հանգեցնել կտրուկ քայլը:

Ինչպե՞ս չկայացնել ձախողվող որոշումներ: Իրականացնել մարքեթինգային հետազոտություններ: Խորհուրդ ենք տալիս ընտրել համապատասխան մեթոդը՝

• ապրանքի և նրա գովազդի թեստավորում (հնարավորություն է ընձեռում ստանալ սպառողի իրական կարծիքը ապրանքի մասին, ինչպես նաև առաջարկություններ է մշակում նրա կատարելագործման վերաբերյալ);
• մրցակցային վերլուծություն (շուկայի վերլուծությունը կբացահայտի մրցակիցների ուժեղ և թույլ կողմերը);
• բրենդի ճանաչելիության գնահատում (վիճակագրությունը ցույց է տալիս, որ ցանկացած շուկայի առաջատարների ճանաչելիության մակարդակը առնվազն 70% է);
• շուկայական մասնաբաժնի և ծավալների հաշվարկ (հետազոտությունը թույլ է տալիս խուսափել ձախողվող արշավների ծախսերից, որոնցում ներդրումներ կատարելը անիմաստ է);
• սպառողների գոհունակության գնահատում (հավատարիմ լսարանը ապահովում է ցանկացած ապրանքանիշի եկամտի 55-ից 90%-ը, որքան մեծ է մշտական հաճախորդների թիվը, այնքան ավելի նկատելի է շահույթը);
• թիրախային լսարանի հետազոտություն (ըստ վիճակագրության, մշտական հաճախորդների առնվազն 80%-ը պատրաստ է փոխել ապրանքանիշը, եթե նոր ապրանքանիշը կատարի լավագույն առաջարկը. լսարանի տրամադրության մոնիտորինգը թույլ կտա ժամանակին թարմացնել ապրանքները կամ փոփոխություններ կատարել նրանց դիրքավորման ուղղությամբ: