Շուկայական մասնաբաժնի հաշվարկ՝ կազմակերպությունների և բրենդների համար

Ձեր շուկայական մասնաբաժինն իմանալը չափազանց կարևոր տեղեկատվություն է որոշումներ կայացնելու համար: Ընկերության զարգացումը կարող է կատարյալ թվալ. եկամուտներն աճում են, շահույթն ավելանում է: Սակայն աճը կարող է պայմանավորված լինել միայն շուկայի աճով: Ձեր շուկայական մասնաբաժնի հաշվարկը թույլ կտա հասկանալ՝ ընկերությունն աճում է, թե հետ է մնում շուկայից:

Շուկայական մասնաբաժինը ամենահաճախ վերահսկվող ցուցանիշն է, KPI-ն: Այն ծառայում է որպես բիզնեսի զարգացման և ապրանքների պահանջարկի դինամիկային հետևելու օբյեկտիվ ցուցանիշ:

Նման հաշվարկները կարևոր են մրցակցային միջավայրը հասկանալու համար՝ որոշելու սեփական դիրքերը և մրցակիցների դիրքերը: Դրանք նաև անցկացվում են որպես շուկայի նոր սեգմենտի զարգացման պլանավորման մեկնարկային փուլ:

Բացի ընդհանուրից, կարևոր է նաև հետևել շուկայի մասնակիցների (ընկերության և մրցակիցների) տեղական մասնաբաժիններին աշխատանքի բոլոր շրջաններում: Սա թույլ է տալիս ճիշտ բաշխել ընկերության ջանքերը՝ տարածաշրջանային զարգացման առումով։

Բացի այդ, շուկայի մասնաբաժնի հաշվարկը պարտադիր քայլ է նոր ապրանքի կամ բրենդի թողարկման ժամանակ: Եվ եթե անգամ այդ ցուցանիշը սկզբնական փուլում փոքր է, ապա այն ելակետ կտա բիզնեսի հետագա զարգացման դինամիկան գնահատելու համար։ Նույն ընթացակարգն իրականացվում է մինչև նոր ապրանքանիշի թողարկումը։

Յուրաքանչյուր տարածաշրջանի համար շուկայական մասնաբաժնի գնահատման ներկայացուցչական ընտրանքի նվազագույն չափը 400 հարցաթերթ է, փորձագիտական ​​հարցազրույցների քանակը՝ առնվազն 8-12 յուրաքանչյուր տարածաշրջանի համար (եթե անցկացվում են)։ Տարածաշրջան ասելով՝ ի նկատի ունենք ցանկացած տարածք, որի համար պահանջվում է առանձին վերլուծություն (դա կարող է լինել, օրինակ, Երևան քաղաքը կամ Հայաստանն ամբողջությամբ)։ Նշված քանակի տվյալների հավաքագրման նվազագույն ժամկետը 5 աշխատանքային օր է:

Շուկայական մասնաբաժնի գնահատման գինը ներառում է որոշված թվով խորին հարցազրույցների, հարցաթերթերի հավաքագրման արժեքը (վճարվում են միայն ամբողջությամբ լրացված հարցաթերթերը) և վերլուծության արժեքը (որպես կանոն՝ չի գերազանցում տվյալների հավաքագրման արժեքի 15%-ը)։

Մեկ հարցաթերթի գինը կարելի է հաշվել ինքնուրույն մեր հաշվիչի օգնությամբ (բավական է մուտքագրել բաց և փակ հարցերի քանակը հարցաթերթում և քվոտաները):

Նմանատիպ հետազոտության արժեքը սկսվում է 150 000 դրամից (գինը նշված է նվազագույն ընտրանքի համար): 

Շուկայական մասնաբաժինները կարող են հաշվարկվել ըստ՝

• - ֆինանսական ցուցանիշների (միլիարդ դրամ),
• - ֆիզիկական ցուցանիշների (չափման միավորներով ապրանքների համար՝ տոննա, մ3 և այլն),
• - հաճախորդների բազայի չափի (ձեռնարկությունների կամ մարդկանց թիվը):

Ամեն օր շուկա են մտնում նոր ընկերություններ և ապրանքանիշեր, հեռանում են հները, տեղի են ունենում միաձուլումներ և կլանումներ, վերակազմավորումներ, փոխվում է տնտեսական իրավիճակը երկրում։ Այս ամենն իր ազդեցությունն է թողնում ընկերության հետագա գործունեության վրա։ Շուկայի մասնաբաժնի կանոնավոր հաշվարկները թույլ կտան վերահսկել իրավիճակը, ժամանակին որոշումներ կայացնել և հաջողությամբ մրցակցել շուկայում:

Մասնաբաժինների  հետագա հաշվարկման համար առաջնային տեղեկատվության ստացումն իրականացվում է քանակական մեթոդներով: Դա սովորաբար պոտենցիալ գնորդների հարցում է (անմիջական, հեռախոսային կամ առցանց): Հետաքրքրող սեգմենտի համար բավարար քանակությամբ տեղեկատվություն ստանալուց հետո հետագա գործողություններն իրականացվում են մաթեմատիկական վիճակագրության մեթոդների կիրառմամբ: Ուսումնասիրությունը հաշվի է առնում ոչ միայն բնական, այլեւ ֆինանսական ցուցանիշներ։ Առևտրային կազմակերպությունների շարքում ֆինանսական շուկայի մասնաբաժինը առավել պահանջարկ ունի։

Հաճախ սպառողական շուկաների համար շուկայական մասնաբաժնի հաշվարկին զուգահեռ հաշվարկվում է ապրանքանիշի սպառման ինտենսիվությունը։ Սրանից է մեծապես կախված արտադրանքի վաճառքի սեգմենտի չափը: Այս դեպքում հաշվարկի համար հաճախ կիրառվում  է Փարֆիթթի և Քոլլինզի մեթոդը՝ հիմնված մշտական ​​ընտրանքից ստացված տվյալների վրա։ Մեթոդաբանությունը հիմնված է ապրանքանիշի ներթափանցման (պենետրացիայի) և նրա սպառման ինտենսիվության ցուցանիշների վրա:

Որոշակի ապրանքանիշի ապրանքների սպառման ինտենսիվության ցուցիչը համարվում է տվյալ ապրանքանիշի կրկնվող գնումների քանակի միջին ցուցանիշների հարաբերակցությունը այս խմբի ապրանքների բոլոր գնումների քանակի ընդհանուր ցուցանիշին: Այսպիսով, շուկայի մասնաբաժինը հաշվարկվում է փաստացի սպառման թվերից ելնելով։

Որպես կանոն՝  բավականին դժվար է ինքնուրույն հաշվարկել շուկայի կամ ապրանքանիշի մասնաբաժինը. այս դեպքում ավելի լավ է դիմել մարքեթինգային հետազոտությունների գործակալությանը, որը մասնագիտացած է նման խնդիրների լուծման մեջ:  BCGroup հետազոտական ​​գործակալության մասնագետները պատրաստ են օգնել իրականացնել անհրաժեշտ վերլուծությունները։